🎶 रंग मत डाले रे साँवरिया — भजन लिरिक्स

मुरली वाले मोहना,
तेरी मुरली रेण बजाय,
इन मुरली में मारो मन बश्यो,
काना एक बारी और बजाय,
प्रीत ना कर पंछी जैसी,
जो जळ सुख्या उड़ जाए,
प्रीत करले मछली जैसी,
जल सुख्या मर जाए।।

रंग मत डाले रे साँवरिया,
म्हाने गुजर मारे रे,
रंग मत डाले रे,
मैं गुजरी नादान,
गुजर मारो मतवारो रे,
रंग मत डाले रे।।

होली तो खेले मारा साँवरा,
कान्हा बरसाने में आजो रे,
राधा ने रुक्मण ने,
लारा लेता आजो रे,
रंग मत डाले रे।।

साँस म्हारी बुरी छे ने ननद हठीली,
हो परणायो बईमान बालम,
झीड़की मारे रे,
रंग मत डाले रे।।

होरी तो खेले मारा,
कान्हा आलाखेड़ी में आजे रे,
अरे पंचमुखी बालाजी का,
तू तो दर्शन पा जे रे,
लगन्या लागी जी,
ओ लगन्या लागी रे साँवरिया,
आप रा दर्शन करवारी,
लगन्या लागी रे।।

सावन रा महीना रो,
झूलो देख्या ही वण आवे रे,
अरे झूलन जावे छेल छोगाडो,
मन हर्षावे रे।।

चंद्र सखी ओ भज,
बाल की शोभा,
मोहन के चरणों में,
मेरो मन रो लाग्यो रे,
रंग मत डारो रे साँवरिया,
मेरो गुजर मारे रे,
रंग मत डारो रे।।

जुलम कर डाल्यो,
सितम कर डाल्यो,
काले ने… काले ने,
काले ने कर दियो लाल,
जुलम कर डाल्यो।।

कोई डाले नीलो,
पीला कोई डाले हरो गुलाबी,
कान्हा ने… कान्हा ने,
कान्हा ने डाल्यो लाल,
जुलम कर डाल्यो।।

नानू पंडीत ठाकुर जी ने,
देशी अरचल गावे रे,
नानू पंडीत ठाकुर जी ने,
चरणा शीश नवावे रे,
सुर लहरी भजना में गावे,
मान बढ़ावे रे,
रंग मत डालें रे।।