🎶 आओ आओ साँवरिया बेगा आओ — भजन लिरिक्स

छप्पन भोग तैयार जी,
थारा टाबरियां करे मनुहार जी।।

मीठो है नमकीन है बाबा,
चरपरो थोड़ो खाटो,
सोने की थाली में परोसेयो,
ढाल चांदी को बाटो।
टाबरिया मनुहार करे बाबा,
देखूं थे कहीया नाटो,
भोग लगाओ श्याम धनी रे,
म्हारा बाकी भक्तां ने बाँटो।।

केसरिया बरफी, कलाकंद, रबड़ी, पैड़ा, इमरती, बालूशाही,
लड्डू, बूंदिया, जलेबी, रसगुल्ला, गाजर पाक, रसमलाई,
गुलाब जामुन, शक्करपारा, घेवर न्यारा न्यारा,
जिमें आवे जी गोधे और घलाओ,
जीमो जी भोग लगाओ,
है छप्पन भोग तैयार जी,
थारा टाबरियां करे मनुहार जी।।

दाल, मोठ, पकोड़ी, कचौड़ी, भुजिया, पापड़, चिवड़ो,
कढ़ी, राबड़ी, साग सांगरी को, बाजरे को बाबा खीचड़ो,
रायते में जीरा को तड़को, पीओ मार सबड़को,
साग काचरे की चटनी चटाओ,
जीमो जी भोग लगाओ,
है छप्पन भोग तैयार जी,
थारा ताबरियां करे मनुहार जी।।

आम, अमरूद, अंगूर, अनानास, आलू बुखारा, अनार धरिया,
केला, सेब, पपीता, चिकू, संतरा, मौसम्बी रसधार धरिया,
काकड़िया रे, लाल मतिरा, तर टमाटर, खीरा, नींबू खाटो थोड़ो छिड़काओ,
जीमो जी भोग लगाओ,
है छप्पन भोग तैयार जी,
थारा ताबरियां करे मनुहार जी।।

काजू, किसमिस, नोजा खुरमानी, खोपरा, छुहारा, बादाम लेओ,
जिम जुट और आचमन करके, फिर थोरी आराम लेवो,
सौंफ, इलायची हाजिर कर दी, सागे मिशरी धर दी,
सोई नागरिया, पान चवाबो,
जीमो जी भोग लगाओ,
है छप्पन भोग तैयार जी,
थारा ताबरियां करे मनुहार जी।।

छप्पन भोग परोसया थारे भक्तां,
श्यामधनी स्वीकार करो,
‘सरल’ बावलो महिमा गावे,
अन्न-धन्न रो भंडार भरो,
लीला थारी सब जाग जाणी,
थे हो शीश का दानी,
बिगड़ी ‘लख्खा’ की थे हो तो बनाओ,
जीमो जी भोग लगाओ,
है छप्पन भोग तैयार जी,
थारा ताबरियां करे मनुहार जी।।

आओ आओ साँवरिया बेगा आओ,
जीमो जी भोग लगाओ,
है छप्पन भोग तैयार जी,
थारा टाबरियां करे मनुहार जी।।