🎵 देवीरो रे अगवाणी म्हारा भेरुजी — भजन लिरिक्स

देवीरो रे अगवाणी म्हारा भेरुजी,
घुघरिया घमकावे,
अंबा रो अगवाणी खेतालो,
घुघरिया घमकावे,
घुघरिया घमकावे भैरु जी,
रूम झूम करता आवे,
भैरुजी घुग्घरिया घमकावे।।

काला गोरा भैरुजी रा,
राता राता नैण,
अरे मनसा पूरा करे खेतलो,
ऐ भक्ता रो सेन,
सोहन सुटीयो हाथ में सोवे,
घुघरिया घमकावे भैरु जी,
घुग्घरिया घमकावे भैरु जी,
रूम झूम करता आवे,
भैरुजी घुग्घरिया घमकावे।।

कलयुग रो अवतारी रे खेतलो,
सोनाणे बिराजे,
तेल–सिंदूर चढ़े चूरमो,
ढोल–नगड़ा बाजे,
माली बन्ना रो बागो पहनावे,
घुग्घरिया घमकावे भैरु जी,
घुग्घरिया घमकावे भैरु जी,
रूम झूम करता आवे,
भैरुजी घुग्घरिया घमकावे।।

बारे मणां रा चढ़े बाकळा,
तेरे घाणी रो तेल,
भैरुजी रा दर्शन करलयो,
आसी भैरुबेल,
जगदम्बा रो चवर ढोलावे,
घुग्घरिया घमकावे भैरु जी,
घुग्घरिया घमकावे भैरु जी,
रूम झूम करता आवे,
भैरुजी घुग्घरिया घमकावे।।

देवीरो रे अगवाणी म्हारा भेरुजी,
घुग्घरिया घमकावे,
अंबा रो अगवाणी खेतालो,
घुग्घरिया घमकावे,
घुग्घरिया घमकावे भैरु जी,
रूम झूम करता आवे,
भैरुजी घुग्घरिया घमकावे।।