हुई सफल कमाई,
महाराज भरथरी थारी,
मालिक रे कारण,
जोग फकीरी थारी,
हुई सफल कमाई महाराज…….
राजा सुतो महल के माय,
तृष्णा जागी,
जाने मिल गया गोरख नाथ,
भरमना भागी,
हुई सफल कमाई महाराज …….
राजा गया जंगल के माय,
दे रया हेला,
जाने मिल गया गोरखनाथ,
मुंड लिया चेला,
हुई सफल कमाई महाराज…….
राजा जाओ शहर के माय,
दे आवो फेरी,
पींघला ने कीजो मात,
करो मत देरी,
हुई सफल कमाई महाराज…….
राजा गया महल के माय,
लगा रया फेरी,
भिक्षा गालो नि पींघला मात,
करो मत देरी,
हुई सफल कमाई महाराज…….
राणी खड़ी महल के माय,
कलप रही काया,
थारा मरजो गोरखनाथ,
राज छुड़वाया,
हुई सफल कमाई महाराज…….
राणी मत दे गुरासा ने गाल,
दोष माने लागे,
थारा लिखिया विधाता लेख,
टले नहीं टलते,
हुई सफल कमाई महाराज…….
राणी खड़ी महल के माय,
लटैया तोड़े,
राजा एक दिन पकडयो हाथ,
प्रीत काई तोड़े,
हुई सफल कमाई महाराज…….
हे साईं सीकर के माय,
साकड़ी सेहरी,
जाणे गावे जरना नाथ,
भजन का लहरी,
हुई सफल कमाई महाराज…….
भजन भंडार के साथ जुड़े- भजन भंडार
