जागी जागी जागी रे,
दिवले री जोत जागी रे,
म्हारा सूं मत करजे,
भवानी रीसणो,
आज म्हाने मनड़े रो,
सोवन मोर बोले ओ,
बरसां सूं आई,
जगदम्बा पांवणी,
जागी जागी जागी रे…………
खेजड़ला सु चढ़ी भवानी,
भगतां री रखवाली माँ,
आय ने भक्ता ने,
दरसण देविया,
जागी जागी जागी रे…………
नागाणा सु चढ़ी भवानी,
सिंह करी किलकारी माँ,
आय ने भक्तां रा,
कारज सारिया,
जागी जागी जागी रे…………
गढ़ किल्ला तूं उतरी भवानी,
गढ़ में नौबत बाजे माँ,
काळा गौरा भैरू,
माँ रे साथ में,
जागी जागी जागी रे…………
बिलाड़ा सु चढ़ी भवानी,
सिंह तणी असवारी माँ,
शरणे आयां री,
लजिया राख जो,
जागी जागी जागी रे…………
लूंगड़ियो भैरू माता,
थारे अग वाणी रे,
चड़ाऊ धजा,
देवी रे देव रे,
जागी जागी जागी रे…………
भक्त मनावे माता,
सुणियाँ बेगी आजो रे,
सिंवरूं मैं नित,
उठ थांने देव रे,
जागी जागी जागी रे…………
