लाल लंगोटो हाथ मे गोटो,
थारी जय हो पवन कुमार,
मैं वारि जाऊँ बालाजी,
सालासर थारो देवरो है बाला,
थारे नोपत बाजे द्वार,
मैं वारि जाऊँ बालाजी,
चैत्र सुदी पूनम को मेलो,
थारे आवे भगत अपार,
मैं वारि जाऊँ बालाजी,
गठ जोड़े की जात जड़ूला,
देवे है लाखो ही नर नारी,
मैं वारि जाऊँ बालाजी,
ध्वजा नारियल चढे चूरमो,
सर पे छतर हजार,
मैं वारि जाऊँ बालाजी,
घृत सिंदूर चढ़ावे थाने,
मंगल और शनिवार,
मैं वारि जाऊँ बालाजी,
भक्तो का थे संकट काटो,
थारी महिमा अपरम्पार,
मैं वारि जाऊँ बालाजी,
लाल लंगोटो हाथ मे गोटो,
थारी जय हो पवन कुमार,
मैं वारि जाऊँ बालाजी,
