Akshay Lohar 
म्हारी अटक्योडी फाईल ने,
वैरिफाई करदो हो,
मण्डफिया वाला सैठ सांवरिया,
थारी चौखट ऊपर,
रोतो बिलखतो आयो हो,
सूंणलै म्हारा सैठ सांवरिया।।
थारी मण्डफिया नगरी सबने,
सोंणी सोंणी लागे हो,
सोंणो थारो महल सांवरिया,
थारी चौखट पर हारया की,
किस्मत जागे हो,
करदे म्हांपे महर सांवरिया।
जूल्मीं दुनिया में दर दर की,
ठौकर खायो हो,
क्रपा करदे सैठ सांवरिया,
अब मैं हारयो हारयो थारै,
भरौसै बैठयो हो,
सूंणलै म्हारा सैठ सांवरिया।।
म्हारी जिंदगांणी में दुखड़ा,
लाख भरयोौडा रै,
डिलीट करदे सैठ सांवरिया,
थारा नांम की माला,
थारा दर प फैरंू रै,
दर्शण दैदै सैठ सांवरिया।।
म्हारो गरीबी सूं अब तो,
पिण्ड छूढादै रै,
सेठां आला सैठ सांवरिया,
म्हारे थारै जैसो,
ऊंचो महल बंणादे रै,
थांसूं म्हारी आस सांवरिया।।
थारा मण्डफिया में सबनै ही,
खूशियां मिलती हो,
म्हांने भी देदे सैठ सांवरिया,
म्हारी पैंडिंग फाईल नै,
ओके करदे हो,
करदै हौ दयालू सांवरिया। ।
थानै पूरण गुर्जर,
लिख लिख लेटर भेजै वो,
पढलौ मारा सेठ सांवरिया,
लादू जिंगपुरा सु,
आयौ सरणा थारी हो,
अब तो सुन लो सेठ सांवरिया।।
म्हारी अटक्योडी फाईल ने,
वैरिफाई करदो हो,
मण्डफिया वाला सैठ सांवरिया,
थारी चौखट ऊपर,
उठतौ पडतो आयो हो,
सूंणलै म्हारा सैठ सांवरिया।।
