साँवरिया थारी माया रो,
पायो कोनी पार,
भेद कोनी जाणु वो,
दयालु दीना नाथ,
साँवरिया थारी माया….
गव रा जाया बेलिया,
कमावे दिन ने रात,
बूढ़ा कर के बेचे रे,
दयालु दीना नाथ,
साँवरिया थारी……
इन्दर कोप कियो ब्रज ऊपर,
बरसियो मूसलधार,
नख पर गिरधर धरियो वो,
दयालु दीना नाथ,
साँवरिया थारी……
हिरना कस्यप प्रह्लाद ने बरज्यो,
बरज्यो बारम्बार,
राम नाम नहीं लेणा वो,
दयालु दीना नाथ,
साँवरिया थारी……
विष रा प्याला राणो भेजिया,
दीज्यो मीरा ने जाय,
विष अमृत कर डालियो वो,
दयालु दीना नाथ,
साँवरिया थारी……
बाई मीरा री अरज विनती,
सुण ज्यो सिर्जन हार,
में चरणा री दासी वो,
दयालु दीना नाथ,
साँवरिया थारी……
