शरणे आयो री देवी लजिया राख जो-२
रखो नी छतर वाली छाया
म्हारी जरणी जोग माया।।
सोना रुपाली थारे ईटा पडाउला,
थारे देवालियो चुनाउला
थारे मंदिरो बनवाउला
म्हारी जरणी जोग माया।।
शरणे आयो री देवी लजिया…….
कंकु केशर री गार गलऊ ला ,
थारो देवलियो लिपाउला
थारो मंदिरो लिपवाउला
म्हारी जरणी जोग माया।।
शरणे आयो री देवी लजिया……..
गोरी गाय रो घीर्त मँगाउला ,
दिवले री जोत जलाउला
दिवले री जोत जलाउला
म्हारी जरणी जोग माया।।
शरणे आयो री देवी लजिया…….
दोय कर जोड़ राजा मान सिंह बोले
शरणा में शीश झुकाउला
चरना में शीश नवाउला
म्हारी जरणी जोग माया
शरणे आयो री देवी लजिया……..
हमारे व्हाट्सअप्प ग्रुप में जुड़े – भजन भंडार
