जोगण गाजे ओ ऊपर,
माला रा मंगरा में
मैया जोगण गाजे रे।।
बांझड़िया ने बालक दे माँ,
निरधनिया ने धन देवे माँ
पांगलिया ने पग देवे माँ,
जम घट लागे औ।।
जोगण गाजे ओ ऊपर,
माला रा मंगरा में
मैया जोगण गाजे रे।।
भक्तो की माँ झेला काटे,
बेड़िया और हाथकड़िया काटे
हाका-धाका चढ़ जा घाटे,
नोपत बाजे औ।।
जोगण गाजे ओ ऊपर,
माला रा मंगरा में
मैया जोगण गाजे रे।।
दोई नौरता लागे मेलो,
जिण में वेवे राव रंक भेलो
जातरिया सु वेवे गेलो,
जम घट लागे औ।।
जोगण गाजे ओ ऊपर,
माला रा मंगरा में
मैया जोगण गाजे रे।।
खरल-खरल खादरियो खल के,
गऊ मुख कुंड माय जल-जलके
महामाया मंदिर में मलके,
थला पे राजे औ।।
जोगण गाजे ओ ऊपर,
माला रा मंगरा में
मैया जोगण गाजे रे।।
मेरी माता सूद को आकर,
तू है माँ सिद्धा री ठाकर
कहे भेरियो चरणा रो चाकर,
पल्ले आजो औ।।
जोगण गाजे ओ ऊपर,
माला रा मंगरा में
मैया जोगण गाजे रे।।
भजन भंडार
